Madhësia e parashikur është prej 5 deri në 10 metra katrore dhe lartësia deri në 2 metra. Në vende të tilla kemi mundësi t'i mbikqyrim dhe të mbajmë nën kontroll çiftëzimin e tyre.
6 çifte pëllumbash,ose thënë ndryshe 12 pëllumba duhet të kenë rreth 11 m3 .
Prandaj është mirë që sipërfaqja brenda shtëpizës të ndahet në madhësi të njejta proporcionale.
Brenda qymezit duhen ndërtuar edhe rafte në trajtë të një kutie të madhe e me të ndara, që shërben për të mbajtur çiftet e pëllumbave.
Gjithashtu nevojitet një dërrasë e mbështetur brinjazi në faqe të murit, për të vënë pëllumbat për klluçitje apo si vend pushimi.
Raftet në formë kutie duhet të kenë një sipërfaqe prej 75X50 cm dhe me një lartësi prej 50 cm. Sepse kjo në një farë mënyre është vendbanimi (dhoma) e tyre.
Pëllumbat duhet gjithashtu të kenë dalje në ballkon i cili mund të jetë i rrethuar me një rrjetë teli metalik.
Ballkoni duhet të ketë një madhësi prej 10 - 15 m3 .
Tarraca e jashtme duhet ta ketë dyshemenë prej betoni.
Temperatura e brendëshme zakonisht vërtitet përafërsisht 15 gradë C.
Shtëpiza e pëllumbave duhet të ketë patjetër ndriçim deri në ora 21 të mbrëmjes.
Vendosja e filterave të ajrit është e domosdoshme për rregullimin e ajrit mbrenda Qymezit.
Filteri e zvoglon mundësin e përhapjes së sëmundjeve të cilat vin si rezultat i lagështis në Qymez.